Kryeministri njëherësh dhe kryesocialisti Edi Rama do të mbledhë sot dhe nesër ministrat, kryesinë e Grupit Parlamentar dhe drejtuesit politikë të PS, në vilën qeveritare.
Mësohet se një nga temat kryesore të diskutimit në mbledhje do të jenë zgjedhjet, me fokus të veçantë në strategjitë që do të ndjekë PS-ja. Bëhet me dije po ashtu se në qendër të diskutimeve do të jetë edhe vota e diasporës.
Sipas informacioneve, në këtë mbledhje, Rama do të kalojë në sitë angazhimin e gjithësecilit për të bërë një vlerësim të punës së deritanishme teksa sfidë e PS-së është edhe përmbyllja e listës së kandidatëve për 12 qarqet, e cila duhet të dorëzohet në Komisionin Qendror të Zgjedhjeve brenda 12 marsit.
