Lapsi Video

Aplikacioni

Android iOS
Flash

Tifozët e Juves kore për Max Allegri, pas turpërimit nga Atalanta: “Njëri prej nesh”

Lapsi.al 10 March 2025
Tifozët e Juves kore për Max Allegri, pas turpërimit nga
Tifozët e Juventus kanë brohoritur në mbështetje të Massimiliano Allegri pas humbjes poshtëruese në shtëpi ndaj Atalantës, duke thirrur: “Njëri prej nesh”. Në disa sektorë të stadiumit dhe në daljet e tij, janë dëgjuar këngë që tifozët bardhezi dikur i këndonin gjatë fitoreve të Juventusit nën drejtimin e teknikut nga Livorno. Juventusi u mposht me 4-0 nga Atalanta në shtëpi dhe stadiumi reagoi në mënyra të ndryshme ndaj asaj që po ndodhte në fushë: shumë tifozë u larguan para kohe, ndërsa të tjerë, mes thirrjeve dhe fishkëllimave, shpërthyen ndaj lojtarëve dhe drejtuesve të klubit.

Tifozët brohorasin për Max Allegri, pas pokerit zikaltër

Pakënaqësia e tifozëve ndaj ekipit të Thiago Motta nisi fillimisht nga Curva Sud dhe më pas u përhap në pjesën tjetër të stadiumit: brohoritje të ashpra, fishkëllima dhe disa tifozë që u larguan në minutën e 77-të, kur Ademola Lookman shënoi golin e katërt për Atalantën.

“Thiago Motta, copë m*ti"

Në minutat shtesë u krijua një heshtje e çuditshme, e cila më pas u pasua nga një valë e fortë fishkëllimash dhe kore kundër ekipit dhe drejtuesve. Përveç koreve klasike që dëgjohen në stadiumet italiane (“Respektoni fanellën”, “Shkoni punoni”), në disa sektorë të Allianz Stadium dhe në rrugët e daljes u dëgjuan këngë në mbështetje të Massimiliano Allegri, të cilat tifozët e Juventusit i kishin përdorur në kohën e sukseseve të tij. Nga “Allegri, njëri prej nesh” te “Massimiliano Allegri Oh Oh”, tifozët e pranishëm në stadium e bënë të qartë mendimin e tyre, duke i dërguar një mesazh të qartë Thiago Mottës, i cili nuk ka arritur të krijojë një lidhje të vërtetë me ambientin bardhezi. Hija e Max Allegri ka qenë gjithmonë e pranishme mbi këtë ekip që nga ndarja e papritur e verës së kaluar, menjëherë pas fitimit të Kupës së Italisë. Një pjesë e madhe e tifozërisë bardhezi e kishte kritikuar gjatë tre viteve të fundit, por pas problemeve të para këtë sezon, emri i teknikut nga Livorno ka nisur sërish të jehonë mes tifozëve të Juventusit, të cilët vazhdojnë të ndahen në dy kampe rreth figurës së tij.

Të këshilluara

ide

Jo dhunës, po organizimit!

Ajo që i duhet protestës sociale sot, më shumë se dhuna, është organizmi i një fronti të gjerë anti-sistem që bën bashkë përfaqësues të grupimeve të ndryshme sociale që emërues të përbashkët kanë pakënaqësinë me funksionimin e regjimit aktual politik dhe ekonomik. Ky front, që mund të quhet Fronti Flamingove, duhet të ketë përfaqësues nga studentët, pedagogët, ambientalistët, shoqëria civile, partitë e reja politike siç është Lëvizja Bashkë, punëtorët, fermerët dhe përfaqësues të komuniteteve të cilave po u grabiten tokat nëpërmjet modeleve të turizmit elitar

15:10 Blendi Kajsiu

MOTI TIRANA

20°c

KËMBIMI EURO

90.90

aktuale

Ndiqe Lapsin edhe në

Me interes nga publiku

Analiza/ Pse Perëndimi mbyll sytë për cenimin e demokracisë në Shqipërinë e Ramës

Në këmbim të besueshmërisë gjeopolitike, bashkëpunimit për emigrantët dhe kontrollit të kufijve, kryeqytetet perëndimore kanë toleruar centralizimin e pushtetit nga kryeministri. “Revolucioni Flamingo” ka vënë në pikëpyetje një pakt që rrezikon të nxisë pikërisht paqëndrueshmërinë që supozohej të parandalonte.

21:01 Gianluca Eramo

Me sytë katër

SPORT

Të tjerë artikuj

PAPARAZZI