Lady Gaga thotë se “tmerri” më i madh i të qenit i famshëm është humbja e “ndjenjës për veten” dhe realitetit të shtrembëruar që vjen me gjithë vëmendjen.
Gjatë episodit të së martës të "The Howard Stern Show" të SiriusXM, Stern i kërkoi Gagës të shtjellonte kuptimin e këngës së saj të re "Perfect Celebrity" - e cila detajon "marrëdhënien e saj të ndërlikuar me famën".
"Është një nga këngët më të zemëruara që kam shkruar ndonjëherë”, tha artistja.
“Kënga është pak një hakmarrje ndaj vetes time dhe unë thjesht po përpiqem të kuptoj ndërsa e kaloj atë, se si ndihem për të gjithë këtë”.
Kur u pyet se cili ishte "tmerri" i famës, Gaga rrëfeu se ajo "e humbi dashurinë për vetveten".
“Ka një gjë që kam marrë nga të qenit në sy të publikut gjatë gjithë kohës, dhe më ka djegur dhe më ka bërë të vlerësoj atë që njerëzit mendojnë për mua mbi atë se kush isha në jetën time të përditshme,” tha ajo. “Në fund të fundit ishte përgjegjësia ime që të filloja ta vlerësoja veten ndryshe.”
Fituesja e Grammy-t tha më parë për InStyle se teksti i referohet "idesë që ne të gjithë, në një farë mënyre, kemi veten tonë të vërtetë dhe më pas versionin tonë klon që ne i projektojmë botës".
Gaga ka folur më parë për ndjenjat e saj të përziera me famën dhe madje ka bërë tituj në vitin 2019 kur shkroi në Twitter: "Fama është burg".
