Danimarka i cilësoi si të papranueshme deklaratat e presidentit amerikan, Donald Trump i cili përsëriti dje dëshirën e tij për aneksimin e Greolandës. Ministri i Jashtëm danez, Lars Lokke Rasmussen iu tha gazetarëve se pavarësisht nëse është kundër traktatit të NATO-s, Kartës së Kombeve të Bashkuara apo ligjit ndërkombëtar, Groenlanda nuk është për aneksim.
I pyetur dje para Sekretarit të Përgjithshëm të NATO-s Mark Rutte për qëllimin e tij për të aneksuar Groenlandën, Donald Trump deklaroi se beson se kjo do të ndodhë. Mark Rutte nuk ka reaguar. Duke iu përgjigjur deklaratës së re të Trump, kryeministri i përkohshëm i Groenlandës njoftoi se ai do të mblidhte liderët e partive sa më shpejt të jetë e mundur .
Groenlandezët i dhanë fitoren zgjedhore partisë Demokratike të qendrës së djathtë, e cila është në favor të pavarësisë së Grenlandës nga Danimarka, por jo në favor të aneksimit të saj nga Shtetet e Bashkuara. Fituesi i zgjedhjeve dhe kryeministri i mundshëm i ardhshëm Jens-Fredrik Nielsen i quajti deklaratat e Trump të papërshtatshme.
“Deklaratat e Trump nga Shtetet e Bashkuara janë të papërshtatshme dhe tregojnë edhe një herë se ne duhet të qëndrojmë të bashkuar në rrethana të tilla”, ka komentuar ai në një postim në Facebook.
