Momente të tmerrit dhe panikut janë kapur në pamjet e publikuara nga zjarri shkatërrues që përfshiu diskotekën “Pulse” në Koçan, ku humbën jetën më shumë se 50 persona.
Në video dëgjohet këngëtari Panço nga grupi DNK, i cili u drejtohet të pranishmëve me thirrjen: ““Dilni jashtë, dilni jashtë, do të kthehemi”, vetëm pak çaste pasi flakët e para shfaqen mbi prozhektorët e skenës.
Zjarri u përhap me shpejtësi, duke shkaktuar kaos mes rreth 1,500 personave që ndiqnin koncertin. Pamjet tregojnë momentin kur një vijë zjarri përhapet mbi ndriçuesit, ndërsa turma përpiqet të largohet mes britmave dhe panikut.
Autoritetet kanë nisur hetimet për zbardhjen e shkaqeve të tragjedisë, ndërsa vendi është në zi për humbjet e rënda njerëzore.
