Pamje të tjera janë publikuar në media nga nata tragjike në diskotekën në Koçan të Maqedonisë së Veriut. Videoja e mëposhtme tregon tmerrin që përjetuan të rinjtë, teksa nxitonin t’u shpëtonin flakëve.
“Ikni sa më shpejt, sa më shpejt”, dëgjohen të bërtiturat e personave të pranishëm. Nga zjarri që shpërtheu në klubin e natës "Pulse" mëngjesin e 16 marsit humbën jetën 59 persona dhe u lënduan mbi 178 të tjerë.
Zjarri shpërtheu gjatë një koncerti me mbi 500 pjesëmarrës, duke u përhapur me shpejtësi pas ndezjes së mjeteve piroteknike. Autoritetet kanë nisur një hetim të gjerë, ndërsa vendi ka shpallur një javë zie kombëtare. ©LAPSI.al
