Problemet nuk kanë vonuar të shfaqen për teknikun Sylvinho në seancën e dytë stërvitore në “Shtëpinë e Futbollit”, në kuadër të ndeshjeve ndaj Anglisë dhe Andorrës. Kombëtarja shqiptare ka zhvilluar pasditen e sotme, por me dy lajme shqetësuese për teknikun brazilian. Departamenti i Komunikimit në FSHF bën me dije se Marash Kumbulla u stërvit i veçuar për shkak të një problemi fizik. Po ashtu Ardian Ismajli ka ndjerë një shqetësim muskulor duke lënë stërvitjen para kohe.
Në bisedimet mes ekipit mjekësor të Kombëtares dhe Espanyol, është rënë dakord që Kumbulla t’i nënshtrohej një trajtimi të programuar, të cilin e ka aplikuar ditën e diel dhe i është rekomanduar pushim dy-ditor. Para seancës stërvitore të radhës, do të bëhet vlerësimi për gjendjen e lojtarit dhe do të vendoset nëse do t’i bashkohet skuadrës në stërvitje. Mbrojtësi i Empolit, në anën tjetër, braktisi stërvitjen më herët, pasi ndjeu një shqetësim muscular që vuri në alarm stafin teknik të kuqezinjve.
Lexo më tej: “Te Inter më tallin, thonë do pësoni 6 gola”: Asllani sfidon parashikimet me Anglinë
Stërvitja nisi me punën në palestër e më pas trajneri Sylvinho së bashku me ekipin provuan disa situata të ndryshme loje dhe ana taktike. Seanca e sotme ishte e fundit në “Shtëpinë e Futbollit”, ndërsa pasdite ekipi do të udhëtojë drejt Londrës. Të enjten kuqezinjtë do të mbyllin zyrtarisht përgatitjet për ndeshjen ndaj Anglisë, që do të luhet të premten në “Wembley Stadium”, në orën 20:45.
