Është publikuar seria e re e serialit politik “Rama – Basha”. Pas disa diss-eve të euroatlantikut që e sfidonte “ku i ke shokët” me këngën Unikkatilit nuk ka vonuar përgjigjja e kreut të qeverisë që e ka titulluar "Episodi i dytë i zgjimit të Lulit".
Në errësirën e makinës Rama kishte gjetur një tjetër këngë të reperit të njohur për t’i dhënë përgjigjen. “S’e nuk po kupton që nuk mundesh me mu, sa herë ke provu çdo herë ke dështu”- ishte refreni i saj.
“I madh je. Ku I kam shokët unë ë? Ore mos ma qaj hallin mu. Një bie mijëra ngrihen, s’është kënetë nga ku të përzunë,por nder të bënë. Por nuk është as lugë ku je mbyt. Ndalo pak kap ndonjë pasagjer demokrat se po ti ha bufi të gjithë” - thotë Rama në videon e tij.
Të gjithë këtë shkëmbim përshëndetjesh mes Ramës dhe Bashës e ka komentuar edhe kryedemokrati Sali Berisha. “Tani, atë që e kishin të fshehur e nxorën hapur. Kaq mund të them. Se dashuritë janë me faza. Kanë fazën latente, e kanë fazën publike etj. Nuk ka gjë të re. E kishin ata dhe dolën publikisht. Zoti ua shtoftë” – tha Berisha. ©LAPSI.al
