“Do të jetë e vështirë, por dhe e këndshme. E vërtetë që nuk kemi shumë kohë për t’u përgatitur. E kemi diskutuar dhe mes trajnerësh në FIFA, sa e vështirë është. Mos harrojmë që kemi ndeshje dhe ndaj Andorrës. Do jetë e vështirë sepse nuk ka mjaftueshëm kohë”. Sylvinho, tekniku i Kombëtares së Shqipërisë është gati për sfidën e madhe ndaj Anglisë. Braziliani do të ketë një sfidë të madhe me Tuchel, që debuton në krye të Tre Luanëve. “Futbolli i pabesueshëm. Mund të ndodhë çdo gjë. Kemi studiuar Tuchel dhe futbollin anglez. E dimë si luan. Janë 90 minuta të gjata, për t’u shijuar dhe për të marrë përgjegjësi. Jemi të përqëndruar dhe të përgatitur”.
Dëmtimet që mund të kondicionojnë prezencën e Ismajlit e Kumbullës (“Do të vendosim nesër”) kanë bërë që Sylvinho të mendojë edhe një prekje të modulit të lojës, edhe pse braziliani nuk e thotë hapur: “Nuk ka rëndësi si do luajmë. Ata janë ekip i fortë, me shumë cilësi fizike dhe teknike. Luajnë mirë 1 kundër 1. Do tentojmë për diçka të veçantë. Kemi punuar në aspektin difensiv dhe ofensiv. Ndeshja e parë është sfiduese dhe e vështirë”.
Lexo më tej: “Nuk e kishim menduar as Europianin”: Gjimshiti pa limite, sfidon Bellingham
Futbolli anglez ka një ritëm ndryshe nga të tjerët dhe kjo mund të përfaqësojë edhe problemin thelbësor: “Kam luajtur në Angli – tha Sylvinho -. Zabaleta në vitet e fundit. E kuptojmë ritmin e lartë që ka kampionati. E vështirë, luhet në nivele shumë të larta. Ekipi kombëtar ka ekip me shumë cilësi, duhet të tentojmë të punojmë me sulmin tonë. Duhet të krijosh një strategji me Anglinë sepse ritmi i ndryshëm”.
Në fund edhe një batutë, por që tregon ambicjen që kanë kuqezinjtë në këtë fushatë kualifikuese. Gazetari nxit një krahasim me Kristofor Kolombin dhe tekniku nuk tërhiqet pas: “Mendoj se nuk ka më kohë për konferencën (qesh). Duhet të punojmë shumë, duhet të lemë zemrën dhe shpirtin në fushë. Ka vetëm 1 rrugë, duhet të luftojmë për çdo pikë. Çdo metër në fushë është i rëndësishëm, ne kemi lojtarë të mirëm nga aspekti fizik dhe me eksperiencë, do të luftojmë që të ecim përpara”, iu përgjigj Sylvinho. Botërori 2026 do të mbahet në tre shtete, pikërisht Amerikë, Kanada dhe Meksikë. Në rast se Shqipëria ia del për në finalet e Botërorit, do të jetë për herë të parë në histori.
