Lapsi Video

Aplikacioni

Android iOS
Flash

George Foreman, shuhet legjenda e boksit me grusht dërrmues: kampion bote edhe 45vjeç

Lapsi.al 23 March 2025
George Foreman, shuhet legjenda e boksit me grusht dërrmues: kampion bote
George Foreman ishte një legjendë e vërtetë e boksit. Kampion olimpik në moshën 19-vjeçare, kampion bote në 1973, një vit më vonë u mposht nga Muhammad Alì në përballjen historike “The Rumble in the Jungle”. Në vitin 1994, në moshën 45 vjeç, ai u rikthye dhe fitoi sërish titullin kampion të peshave të rënda. Bota e boksit humbi një ikonë të vërtetë. Foreman ndërroi jetë në moshën 76-vjeçare. Ai do të mbahet mend si një nga kampionët më të mëdhenj të peshave të rënda dhe veçanërisht për përballjen legjendare me Muhammad Alì në Kinshasa më 1974, ku pësoi një humbje të paharrueshme. Ai ishte një mit i vërtetë, pasi arriti të rikthehej në ring në një moshë të madhe dhe, 20 vjet pas disfatës me Alì, fitoi sërish titullin kampion. Lajmin për ndarjen e tij nga jeta e bëri të ditur familja e tij përmes një postimi në faqen zyrtare të Instagramit të boksierit: “Me dhimbje të madhe njoftojmë ndarjen nga jeta të të dashurit tonë, George Edward Foreman Sr, i cili u largua në paqe më 21 mars 2025, i rrethuar nga familja e tij.”

Ari olimpik dhe titulli i parë kampion bote

Për kampionët e mëdhenj shpesh përdoren fjalë si “i jashtëzakonshëm” apo “me një karrierë të pabesueshme”, por në rastin e Foreman, këto nuk janë thjesht fraza – ai i jetoi dy epoka të gjata në ring. Pasi kaloi një fëmijëri të vështirë, ai fitoi medaljen e artë në Lojërat Olimpike të Meksikos në 1968, në moshën 19-vjeçare. Një vit më vonë kaloi në boksin profesionist dhe nga 1969 deri në 1977 dominoi në ring. Në vitin 1973, duke mposhtur Joe Frazier, u shpall kampion bote i peshave të rënda.

“The Rumble in the Jungle” dhe tërheqja e parë nga boksi

Një vit më vonë, në 1974, ai u përball me Muhammad Alì në Kinshasa, një duel epik që hyri në histori. Foreman konsiderohej favorit absolut, por e kishte gjithë botën kundër. Në raundin e tetë ai u rrëzua në tapet, ndërsa turma bërtiste “Alì bomaye” (Alì, vrite!). Kjo humbje e tronditi thellë dhe ai e ka përmendur shpesh në vitet pasuese. Pas tre vitesh, vendosi të tërhiqej nga boksi.

Rikthimi brilant dhe titulli botëror në moshën 45-vjeçare

Në vitin 1987, Foreman bëri një rikthim të papritur në ring. Në fillim, shumëkush e pa këtë si një vendim të çmendur apo një truk publicitar. Por ai nisi të grumbullonte fitore dhe, në vitin 1994, në moshën 45 vjeç, arriti të rimarrë titullin e kampionit të botës në peshat e rënda – një arritje e jashtëzakonshme në historinë e sportit. Tre vjet më vonë, në 1997, ai u tërhoq përfundimisht nga boksi, duke lënë pas një trashëgimi të pashlyeshme në këtë sport.

Të këshilluara

ide

Jo dhunës, po organizimit!

Ajo që i duhet protestës sociale sot, më shumë se dhuna, është organizmi i një fronti të gjerë anti-sistem që bën bashkë përfaqësues të grupimeve të ndryshme sociale që emërues të përbashkët kanë pakënaqësinë me funksionimin e regjimit aktual politik dhe ekonomik. Ky front, që mund të quhet Fronti Flamingove, duhet të ketë përfaqësues nga studentët, pedagogët, ambientalistët, shoqëria civile, partitë e reja politike siç është Lëvizja Bashkë, punëtorët, fermerët dhe përfaqësues të komuniteteve të cilave po u grabiten tokat nëpërmjet modeleve të turizmit elitar

15:10 Blendi Kajsiu

MOTI TIRANA

13°c

KËMBIMI EURO

90.83

aktuale

Zbulohen prapaskenat pse u rritën papritmas taksat, biznesi paralajmëron eksod në rajon

Situata politike që po kalon vendi pas protestave të studentëve vlerësohet faktori kryesor që ka detyruar qeverinë të propozojë ndryshime të papritura të taksave, përfshirë uljen e TVSH-së në 6% të produkteve të shportës ushqimore dhe rritjen për biznesin. Në mbledhjen e Këshillit Tatimor përfaqësuesi i qeverisë pranoi se propozimet për ulje të TVSH-së për […]

06:57
Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI