Eliminohet nga Nations League, Italia e Spallettit pas ndeshjes së çmendur në Dortmund. Të kaltrit barazuan 3-3 duke rikuperuar në pjesën e dytë disavantazhin e trefishtë. Një ndeshje me dy fytyra të kundërta. Dominoi Gjermania në pjesën e parë që u mbyll 3-0 dhe Azurrët pas pushimit. Avantazhi gjerman erdhi me Kimmich pas një 11-metërshi në minutën e 30'. Shifrat u dyfishuan nga Musiala në minutën e 36', ndihmuar nga një gabim kolektiv i Italisë. Para pushimit erdhi edhe goli i tretë nga Kleindienst. Skenar i kundërt pas kthimit nga dhomat e zhveshjes. Dy golat e Kean (49' dhe 69') e rikthyen Italinë në lojë. Ndërsa 11-metërshi i Raspadorit në të 95'-ën barazoi rezultatin, por pa sukses.
Në ndeshjet e tjera të Nations League, për të përcaktuar ekipet e kualifikuara, u deshën shtesat dhe penalltitë.
Portugali-Danimarkë
Francisco Trincão u shfaq si heroi i Portugalisë në një ndeshje plot emocione. Cristiano Ronaldo ishte në qendër të vëmendjes pasi humbi një penallti. Por më pas shënoi një gol në pjesën e dytë. Megjithatë, goli i Trincão që e dërgoi ndeshjen në shtesa ishte kyç. Ai shënoi sërish menjëherë pas fillimit të shtesave, dhe i dha Portugalisë avantazhin 4-2. Gonçalo Ramos vulosi shifrat 5-2, duke siguruar kalimin e luzitanëve në fazën tjetër të Nations League.
Spanjë-Holandë
Ndeshja mes Spanjës dhe Holandës ishte një tjetër spektakël. Pas barazimit 2-2 në ndeshjen e parë, dy ekipet përsëritën të njëjtin rezultat edhe në 90 minutat e ndeshjes së dytë. Në shtesa, Jamal shënoi një gol fantastik që e çoi Spanjën në avantazh. Por Holanda iu përgjigj me një gol të Xavi Simons. Ndeshja shkoi në penallti për të përcaktuar fituesin. Dhe Spanja doli triumfuese me rezultatin 5-4, duke siguruar kalimin në gjysmëfinalet e turneut.
Francë-Kroaci
Deschamps do të ketë mundësinë të hakmerret për humbjen 2-1 në gjysmëfinalen e Evropianit. Kjo falë suksesit në penallti ndaj Kroacisë. Gjatë kohës së rregullt, ndryshimi i ndeshjes erdhi në pjesën e dytë. Ishte Olise-n që bëri diferencën. Lojtari i Bayern Munich shënoi golin e parë në minutën e 52', Dhe, kur përpjekjet dukeshin të kota, ai gjithashtu dha asistimin për Dembélé. Ky i fundit në minutën e 80' përmbysi disavantazhin dhe barazoi 2-0 të ndeshjes së parë. Gjatë shtesave, edhe Kolo Muani i Juventusit hyri në lojë, por loja kaloi në penallti. Nga 11 metra gabuan Baturina dhe Ivnaovic. Kështu që Theo Hernandez pati mundësinë të mbyllte llogaritë, por e dërgoi topin jashtë. Më pas ishte Maignan që shpëtoi në penalltinë e Stanisic, duke i dhënë mundësinë e fitores Francës. Upamecano nuk gaboi dhe bëri që Saint-Denis të shpërthente në festë.
