Aktori francez Gérard Depardieu do të dalë në gjyq të hënën në Paris i akuzuar për sulm seksual ndaj dy grave gjatë xhirimeve të një filmi në vitin 2021.
Depardieu, po përballet me akuzat se ka ngacmuar një punonjëse 54-vjeçare dhe një asistent regjisore 34-vjeçare gjatë prodhimit të filmit "Les Volets Verts".
Prokurorët pretendojnë se incidentet përfshinin vërejtje të turpshme dhe prekje të papërshtatshme, duke përfshirë një incident në të cilin Depardieu se preku një grua para anëtarëve të tjerë të ekuipazhit.
Të dyja gratë kanë bërë ankesa zyrtare. Identiteti i tyre nuk është bërë i ditur për të mbrojtur viktimat e supozuara të sulmeve seksuale. Aktori i mohon akuzat.
Në një letër të hapur të botuar në Le Figaro në tetor 2023, Depardieu shkroi: "Kurrë, por kurrë, nuk kam abuzuar me një grua".
Gjyqi fillimisht ishte caktuar për tetor 2024, por u shty për shkak të shëndetit të Depardieu.
Një ekspert mjekësor i caktuar nga gjykata vendosi se ai ishte i aftë për t'u gjykuar. Ai pritet të marrë pjesë në seancën dyditore.
Kjo është hera e parë që Gerard, një nga aktorët më të shquar të filmit francez, del në gjyq për akuzat për sulme seksuale.
Ai është akuzuar më parë për sjellje të pahijshme nga rreth 20 gra, por asnjë çështje tjetër nuk ka kaluar në gjykatë. Disa u pushuan për shkak të mungesës së provave.
