Dy persona janë shpallur në kërkim si autorë të dyshuar për plagosjen e 38-vjeçarit në Kamëz ditën e djeshme. Në njoftimin zyrtar të policisë, sqarohet se 38-vjeçari është plagosur me sende të forta.
Në kërkim u shpallën shtetasit M. B., 26 vjeç dhe E. B., 30 vjeç, të cilët dyshohet se dje, rreth orës 10:00, në rrugën “OSBE”, për motive të dobëta, i kanë prerë rrugën, me automjet, 38-vjeçarit dhe e kanë goditur atë me sende të forta.
I dëmtuari mori mjekim dhe aktualisht është jashtë rrezikut për jetën. Gjatë kontrollit në banesën e shtetasit 26 vjeç shërbimet e Policisë gjetën 1 armë zjarri pistoletë (me leje) dhe një sasi municioni luftarak, të cilat u sekuestruan në cilësinë e provës materiale.
