Kryeministri Edi Rama, zhvilloi pasditen e kësaj të marte një takim me të rinjtë në Lezhë, ku bëri dhe prezantimin e kandidatëve për deputet në zgjedhjet e 11 Majit.
Gjatë fjalës së tij për të pranishmit kryeministri Rama u ndal edhe te anëtarësimi i Shqipërisë në Bashkimin Europian. Kreu i qeverisë u bëri thirrje të rinjve që të mbështesin përmes votës së tyre anëtarësimin e Shqipërisë në BE, ndërsa ndër rreshta bëri edhe një lapsus.
Rama tha se të gjithë të rinjtë duhet të mbështesin planin shumë ambicioz të Partisë Socialiste, për mbylljen e negociatave deri në fund të vitit 2027, ndërkohë që jemi në vitin 2025.
"Ftoj masivisht votuesit e rinj të mbështesin negociatat për anëtarësim të Shqipërisë në BE, dhe të mbështesin planin tonë shumë ambicion, të mbylljes së negociatave në fund të 2007-ës",- u shpreh Rama.
