Portieri i Moldavisë pëson një gol absurd: Kozhukhar bëri një gabim elementar

Moldavia dhe Estonia, të martën në mbrëmje, u përballën mes tyre për kualifikueset e Botërorit 2026, por vëmendjen e mori gabimi katastrofik i portierit moldav. Kozhukhar, bëri një gabim grotesk dhe të pafalshëm në një situatë të thjeshtë. Ai u pozicionua në mënyrë katastrofike në portë gjatë një goditjeje nga këndi, duke bërë një nga gabimet më elementare që zakonisht ndodhin vetëm te lojtarët e rinj në shkollat e futbollit, kur mësojnë si të mbrojnë portën në situata të tilla. Edhe vetë arbitri mbeti i habitur nga ai moment absurd: portieri harroi pozicionin e tij në fushë! Ai nuk e kuptoi që ishte vendosur në anën e gabuar të portës, përtej vijës fatale. Kur një lojtar estonez goditi topin me kokë, Kozhukhar e ndali atë me besimin se kishte shpëtuar një gol të sigurt… por më pas flamuri i ndihmës-gjyqtarit dhe vendimi i arbitrit e shokuan: topi kishte kaluar vijën! Ai as që e kishte vënë re, aq i sigurt sa ishte, madje nisi të u bëjë shenjë shokëve të ekipit që të nisin kundërsulmin.

Gafa e Kozhukhar mbylli ndeshjen

Në atë moment, Moldavia ishte tashmë në disavantazh 1-0 (për shkak të golit të Rasmus Peetson) dhe me një lojtar më pak, pasi Maxim Cojocaru ishte ndëshkuar me karton të kuq pas vetëm pesë minutash lojë. Por rasti i golit të dytë ishte edhe më befasues dhe qesharak. Kevor Palumets ekzekutoi një goditje nga këndi, Sappinen kërceu dhe goditi me kokë, topi devijoi lehtë nga Oleg Reabciuk, por jo mjaftueshëm për të ndryshuar drejtimin. Gabimi fatal erdhi nga portieri moldav, i cili – në mes të kaosit – kishte bërë disa hapa mbrapa pa e kuptuar që tashmë ishte përtej vijës së portës. Rezultati u bë 2-0 në mënyrën më të pabesueshme. Ndeshja përfundoi 2-3, me Moldavinë që tentoi një përmbysje të pamundur: Nicolaescu ngushtoi diferencën në pjesën e dytë, por vetëm tre minuta më vonë, Käit shënoi për 1-3. Goli i Caimacov në minutën e 91-të vulosi rezultatin përfundimtar.

Gjendja e Grupit I

Në Grupin I, Norvegjia ka kryesimin me 6 pikë dhe Italia do ta nisë fushatën kualifikuese pikërisht kundër tyre më 6 qershor. Pas kësaj, “Azzurrët” do të përballen me Moldavinë (9 qershor), Estoninë (5 shtator) dhe Izraelin (8 shtator), duke mbyllur kështu fazën e parë të kualifikimeve gjatë verës. Pjesa e dytë do të luhet në vjeshtë, ku Italia do të synojë të shmangë gabime të rënda si ato ndaj Gjermanisë – apo edhe më keq, të bjerë viktimë e ndonjë raccattapalle (mbledhësi i topave) 15-vjeçar!

🇪🇪 2-0 up at 10-man 🇲🇩, from a corner, because goalkeeper Andriy Kozhukhar has completely forgotten where his goal line is…#FIFAWorldCup pic.twitter.com/sk2ZybwYM5

— The Matchday Man (@TheMatchdayMan) March 25, 2025