Presidenti i entitetit serb të Bosnjes, Republika Srpska raportohet se është kthyer në kryeqytetin Banja Luka në mënyrë të papritur nga vizita e tij në Izrael, teksa Dodik mbetet në kërkim nga gjykata në Sarajevë.
Avioni qeveritar i Republikës Srpska u ngrit nga Izraeli mbrëmë vonë dhe u ul në Beograd gjatë natës, vazhdoi fluturimin pas një pushimi të shkurtër dhe u ul në aeroportin Mahovljani të Banja Lukës mëngjesin e sotëm, njoftuan mediat e Sarajevës.
Sipas tyre avioni ka shumë të ngjarë të ketë pasur në bord edhe presidentin Dodik.
Lideri i serbëve të Bosnjes është kthyer në vendin e tij të sigurt duke shmangur një vendosje në fuqi të një urdhri kërkimi ndërkombëtar nga Interpoli, të cilit i është kërkuar kjo gjë nga Sarajeva.
Më herët Dodik kishte lajmëruar se do të kthehej nga vizita në Izrael javën e ardhshme.
Presidenti i Republikës së Serbisë ndodhej në Izrael për Konferencën për Luftimin e Antisemitizmit në Jerusalem dhe mediat izraelite raportuan dje pasdite se zyrtarët izraelitë, pas kërkesës së Gjykatës së Bosnjes që Interpoli të lëshonte një urdhër arresti ndërkombëtar për të, i sugjeruan të largohej nga vendi.
Dje, Gjykata e BeH kërkoi që Interpoli të lëshojë një njoftim të kuq për Dodik dhe Kryetarin e Parlamentit të RS Nenad Stevandiq, për dyshimin se ata kanë kryer veprën penale të “sulmimit të rendit kushtetues të Bosnje Hercegovinës”.
