Lapsi Video

Aplikacioni

Android iOS
Flash

N’Golo Kanté në Mali për t’u martuar në fshehtësi? Arsyeja e vërtetë është tjetër

Lapsi.al 30 March 2025
N’Golo Kanté në Mali për t’u martuar në
Në ditën e 34-vjetorit të tij, N’Golo Kanté i bëri vetes dhuratën më të bukur: ai financoi ndërtimin e një qendre spitalore në Bamako, Mali, që do të ndihmojë mijëra fëmijë. Mesfushori i Al Ittihad nuk e ka harruar vendin e origjinës së tij, ku udhëtoi për të takuar miq dhe familjarë, duke dhuruar plot 5 milionë euro për të financuar projektin. Kjo hodhi poshtë thashethemet që pretendonin se ai kishte shkuar në atdheun e prindërve për një martesë të fshehtë: “Janë vetëm spekulime”.

Gjesti i madh i Kanté: 5 milionë euro për spitalin e fëmijëve

N’Golo Kanté, kampion bote edhe në bujari. Ish-mesfushori i Chelsea-t dhe kombëtares franceze, vendosi të bëjë një gjest të veçantë për vendlindjen e prindërve të tij, Malin, pikërisht në ditën e tij të lindjes. Futbollisti, i cili luan në kampionatin saudit me Al Ittihad, financoi ndërtimin e një spitali për fëmijët dhe për familjet në nevojë. Kanté investoi 5 milionë euro për ngritjen e këtij institucioni shëndetësor në vendin e origjinës së tij. Ky projekt, i cili kërkoi një mbështetje të madhe financiare, është një tjetër shenjë e lidhjes së tij të fortë me rrënjët familjare. I lindur në Paris nga prindër malianë që emigruan në Francë në vitet ’80, mesfushori nuk e ka harruar kurrë vendin e tij të origjinës dhe e viziton sa herë ka mundësi.

Zërat për martesën e përgënjeshtrimi: “Vetëm spekulime”

Ndërsa në Mali e lavdëronin për gjestin e tij madhështor, vizita e Kanté ngjalli një kuriozitet të madh në Evropë. Një foto e tij pranë një gruaje bëri që të lindnin spekulime se ai kishte udhëtuar në Bamako për një martesë sekrete me një grua maliane. “Kjo nuk është gjë tjetër veçse një spekulim i pastër, që synon të zhvendosë vëmendjen nga gjesti i jashtëzakonshëm i N’Golo dhe të krijojë konfuzion”, deklaroi një përfaqësues i ngushtë i mesfushorit për The Pinnacle Gazette.

Të këshilluara

ide

Jo dhunës, po organizimit!

Ajo që i duhet protestës sociale sot, më shumë se dhuna, është organizmi i një fronti të gjerë anti-sistem që bën bashkë përfaqësues të grupimeve të ndryshme sociale që emërues të përbashkët kanë pakënaqësinë me funksionimin e regjimit aktual politik dhe ekonomik. Ky front, që mund të quhet Fronti Flamingove, duhet të ketë përfaqësues nga studentët, pedagogët, ambientalistët, shoqëria civile, partitë e reja politike siç është Lëvizja Bashkë, punëtorët, fermerët dhe përfaqësues të komuniteteve të cilave po u grabiten tokat nëpërmjet modeleve të turizmit elitar

15:10 Blendi Kajsiu

MOTI TIRANA

19°c

KËMBIMI EURO

90.83

aktuale

Zbulohen prapaskenat pse u rritën papritmas taksat, biznesi paralajmëron eksod në rajon

Situata politike që po kalon vendi pas protestave të studentëve vlerësohet faktori kryesor që ka detyruar qeverinë të propozojë ndryshime të papritura të taksave, përfshirë uljen e TVSH-së në 6% të produkteve të shportës ushqimore dhe rritjen për biznesin. Në mbledhjen e Këshillit Tatimor përfaqësuesi i qeverisë pranoi se propozimet për ulje të TVSH-së për […]

06:57
Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI