Lazio ngadalëson hapin në garën e fortë për zonën Champions. Pas disfatës së rëndë ndaj Bolonjës, Lazio nuk shkon më shumë se një barazim 1-1 ndaj Torinos në ndeshjen e fundit të javës së 30-të të Serie A. Skuadra e Baronit ndan pikët në “Olimpico” dhe lejon Romën ta arrijë në kuotën e 52 pikëve.
Pjesa e parë ishte e ekuilibruar, me dy pritje vendimtare të Milinkovic-Savic ndaj Zaccagni dhe Pedros. Në fraksionin e dytë, Provedel neutralizoi një goditje me kokë të Maripan nga distanca e afërt. Sidoqoftë, kaloi Lazion në avantazh me një goditje të bukur me të djathtën nga Marusic (57’). Megjithatë, në minutën e 82', Gineitis barazoi shifrat pas një asisti nga Biraghi. 73 minuta në fushë për Elseid Hysaj, që e nisi titullar e u zëvendësua pastaj nga Pellegrini. Mbrojtësi i kombëtares luajti në krahun e majtë, duke i lënë të djathtin pikërisht autorit të golit Marusic.
Lexo më tej: Nuk ka Lazio-Roma në 1/8 e Europa League: shorti eviton edhe Olimpiacos-Fenerbahce
Lazio nuk arrin të thyejë Torinon dhe mes fishkëllimave të publikut, duhet të shtyjë sërish takimin me fitoren në “Olimpico”, e cila mungon që nga 9 shkurti. Barazimi i skuadrës së teknikut Vanoli ishte i merituar, pasi goli i Gineitis, i futur nga stoli, vendosi ekuilibrin pas avantazhit të Marusic. Një pikë me shumë keqardhje për Lazio, që ngjitet në vendin e gjashtë duke kapur Romën. Ndërkohë, Torino regjistron rezultatin e pestë pozitiv radhazi, duke konfirmuar edhe një herë forcën e tij taktike dhe shpirtin luftarak edhe në transfertën e vështirë të “Olimpicos”.
PARMA 0-0 VERONA
Java e 30-të e Serie A nisi të hënën me një barazim pa gola. Parma dhe Verona ndanë pikët në përballjen për mbijetesë, duke mos ndikuar shumë në renditjen e tyre: Verona mbetet +7 mbi zonën e rënies, ndërsa Parma +3. Pjesa e parë pati disa shpërthime të izoluara, me nga dy raste për secilën skuadër, por loja humbi intensitetin në fraksionin e dytë. Parma ishte më pranë golit në fund, por Montipò ndali përpjekjet e Ondrejkës dhe Camarës.
