Kryeministri Edi Rama, ka zhvilluar dhe sot një bashkëbisedim me komentuesit në rrjetet sociale në rubrikën "Sy m'sy". Rama ironizoi sërish Primaret në PD duke thënë se mënyra se si u zhvilluan ato tregojnë gjithçka. Ai vijoi ironinë edhe për kreun e opozitës Sali Berisha duke thënë se "nuk e harron zakonin".
"A do të na qendrojnë rrugët të bashkuara më tutje, do ta shohim. Unë kam shumë simpati për ta shumë respekt kam mësuar disa gjëra kur i sheh nga pozita e dikujt tjetër dhe është një raport shumë pozitiv dhe impakti është shumë pozitiv me thënë të drejtë dhe kemi një sërë individësh që kanë zhvilluar dhe primare që na kanë kontaktuar. Ato primaret që thonë gjithçka në fakt, jo vetëm 'ujku por edhe bufi qimen e ndërron po zakonin se harron. Bufi i kënetës është një buf tjetër, jo bufi i famshëm i mitologjisë", tha Rama.
