Shtëpia e Bardhë ka deklaruar se Presidenti Donald Trump, po punon tepër shumë për të arritur paqen në Ukrainë, por ai ka shprehur pakënaqësi me mënyrën se si palët ruse dhe ukrainase po komentojnë procesin nga secila palë.
“Presidenti po punon jashtëzakonisht shumë për të arritur një marrëveshje paqeje midis Rusisë dhe Ukrainës dhe ai ka shprehur pakënaqësinë e tij me komentet që janë bërë nga udhëheqësit e të dy palëve të këtij konflikti” tha zëdhënësja e Shtëpisë së Bardhë, Karoline Leavitt.
Për më tepër, presidenti i SHBA-së të dielën kërcënoi Ukrainën me probleme të mëdha nëse ajo tërhiqet nga përfundimi i një marrëveshjeje me SHBA-në për mineralet. Leavitt vuri në dukje se kreu i Shtëpisë së Bardhë shprehte atë që ai beson se duhet të ndodhë në mënyrë që ky konflikt të marrë fund.
Të hënën Departamenti i Shtetit deklaroi se SHBA po punonte për një zgjidhje paqësore në Ukrainë me mirëkuptimin se Moska dhe Kievi duhet të marrin vendime dhe kompromise të vështira.
