Presidenti francez Emmanuel Macron ka reaguar ashpër lidhur me tarifat e vendosura nga Trump në mbarë vendin, dhe thekson se pajtohet me udhëheqësit e BE-së se “asgjë nuk mund të përjashtohet” në përgjigje të lëvizjes së Trump pasi “të gjitha instrumentet janë në tryezë”.
“Ne duhet të bëjmë çdo gjë që është efektive dhe më proporcionale, por që gjithashtu tregon qartë se jemi të vendosur që të mos i bëjmë këta sektorë viktima të këtyre tarifave,” thotë ai.
Ndër mjetet e disponueshme, ai përmend në mënyrë të theksuar një ndërhyrje të mundshme në shërbimet dixhitale, ku Shtetet e Bashkuara përfitojnë jashtëzakonisht shumë nga Evropa.
Macron theksoi se vendimi i presidentit të SHBA ishte “brutal dhe i pabazuar”.
Tarifat do të kenë një "ndikim të madh" në ekonominë europiane, paralajmëroi presidenti francez, duke shtuar se amerikanët do të dalin "më të dobët dhe më të varfër". Më pas ftesa për kompanitë franceze: ndaloni investimet në SHBA, derisa të qartësohen tarifat.
Ai gjithashtu u kërkon liderëve që të qëndrojnë të bashkuar dhe t’i rezistojnë tundimit për të shkuar vetëm, ??por për të shfrytëzuar madhësinë e tregut evropian në çdo përgjigje politike.
