PSG dhe Aston Villa përballen në ndeshjen e parë çerekfinale të Ligës së Kampionëve 2024-2025 në “Parc des Princes”, ndërsa në Kamp Now Barcelona pret Borussia Dortmund. Skuadra e Luis Enrique pasi eliminoi Liverpool, tani i tremb të gjithë. Katalanasit e Flick presin tani një kundërshtar “familjar”, por duhet të thyejnë Murin e Verdhë, me dy ndeshjet që fillojnë në orën 21:00.
PSG – ASTON VILLA
Skuadra e Luis Enrique eliminoi Liverpool me një përballje të dyfishtë të dominuar nga fillimi në fund: paraqitja fantastike e francezëve në “Anfield Road” dhe rritja e madhe e Dembélé në zonën e golit e bëjnë PSG-në të konsiderohet si një nga kandidatet për fitoren finale, por parisienët do të kenë kundërshtar një skuadër të fortë dhe shumë të vështirë për t’u përballuar si Aston Villa e Unai Emery.
“Villans” eliminuan Club Brugge në 1/8 e finales së Champions dhe janë një nga surprizat e këtyre çerekfinaleve. Fundjavën e kaluar, PSG mposhti Angers, ndërsa Aston Villa fitoi ndaj Nottingham Forest.
PSG-Aston Villa, formacionet e mundshme
Luis Enrique hedh në fushë treshen sulmuese Barcola, Dembélé dhe Kvaratskhelia. Unai Emery me formacionin e zakonshëm 4-2-3-1 me Bailey, Rogers dhe Rashford pas sulmuesit të vetëm Watkins.
PSG (4-3-3): Donnarumma; Hakimi, Marquinhos, Pacho, Nuno Mendes; João Neves, Vitinha, Fabian Ruiz; Barcola, Dembélé, Kvaratskhelia. Trajner: Luis Enrique.
ASTON VILLA (4-2-3-1): Martínez; Konsa, Disasi, Mings, Digne; McGinn, Tielemans; Bailey, Rogers, Rashford; Watkins. Trajner: Emery.
Lexo më tej: Super Rice e Merino, Arsenal shemb Real Madrid: Frattesi fundos Bayern, feston Inter
BARCELONA – BORUSSIA DORTMUND
Barcelona dhe Borussia Dortmund përballen sot në ndeshjen e parë çerekfinale të Champions League. Vërshëllima e parë në “Camp Nou” të qytetit katalanas në orën 21:00 për raundin e parë të përballjes që jep një vend në gjysmëfinale kundër fitueses së çiftit Inter-Bayern Munich. Barcelona vjen nga fitorja ndaj Benficas, ndërsa verdhezinjtë kaluan me disa vështirësi Lille-n.
Barcelona-Borussia Dortmund: formacionet e mundshme
Barcelona në fushë me 4-3-3 me treshen e formuar nga Yamal, Raphinha dhe Ferran Torres, me Flick që sërish i beson Szczesny-t në portë. Borussia Dortmund me 4-2-3-1 me Guirassy-n si sulmues të vetëm dhe pas tij treshja Adeyemi, Reyna, Bynoe-Gittens. Formacionet e mundshme:
BARCELONA (4-3-3): Szczesny; Koundé, Martinez, Cubarsì, Balde; De Jong, Pedri; Fermin Lopez; Yamal, Ferran Torres, Raphinha. Trajner: Flick.
BORUSSIA DORTMUND (4-2-3-1): Kobel; Ryerson, Emre Can, Schlotterbeck, Bensebaini; Sabitzer, Gross; Adeyemi, Reyna, Bynoe-Gittens; Guirassy. Trajner: Kovac.
