Lapsi Video

Aplikacioni

Android iOS
Flash

Boban i habitur pas Bayern-Inter, nuk i pëlqen çmimi MVP për Bastoni: “Nuk kuptojnë”

Lapsi.al 9 April 2025
Boban i habitur pas Bayern-Inter, nuk i pëlqen çmimi MVP për
Zvonimir Boban nuk është nga ata që i merr gjërat me tërthorta, dhe këtë e tregoi edhe një herë pas ndeshjes Bayern-Inter. Ish-futbollisti i Milanit dhe opinionist i Sky, mbeti shumë i habitur kur mësoi që ishte pikërisht Alessandro Bastoni ai që ishte shpallur lojtari më i mirë i ndeshjes së parë çerekfinale të Champions League. Një vendim që Boban e kritikoi hapur dhe pa asnjë mëdyshje. Zvone kishte lavdëruar veçanërisht Thuram dhe Lautaro, që sipas tij “nuk kishin luajtur kurrë kështu” kundër Bayern. Në analizën e tij, ish-drejtuesi i UEFA-s u shpreh për paraqitjen e lojtarëve të Inter: “Dyshja e sulmit ishte e pabesueshme, natyrisht pa dashur të heq merita pjesës tjetër të skuadrës për paraqitjen e plotë. Por ata të dy përpara ishin të jashtëzakonshëm. Po ashtu edhe leximet e lojës nga Mkhitaryan dhe Barella që bëri shumë lëvizje me klas. Ndoshta nuk u vunë shumë re sepse ata të dy përpara dominuan. Më ka impresionuar personaliteti i skuadrës që në fillim”.

Boban shpjegon pse çmimi i marrë nga Bastoni nuk i duket i drejtë

Në këtë moment, moderatorja Federica Masolin e informoi Boban se çmimi MVP i ishte dhënë Bastonit. Reagimi i Boban ishte i menjëhershëm dhe pa filtra: “Nuk kuptojnë as… shumë pak kuptojnë nga futbolli, me gjithë respektin për Bastoni. Sonte, me një fitore, t’ia japësh një mbrojtësi, nuk ka asnjë kuptim”. Kur debati në studio u ndez, kroati vazhdoi me të njëjtin ton, por duke qeshur: “Sonte, me një fitore, t’ia japësh këtë çmim një mbrojtësi, nuk ka fare kuptim. Kur isha unë në krye të futbollit në UEFA, kjo nuk do të kishte ndodhur kurrë. Kurrë! (qesh)”. Edhe trajneri Capello dukej se ishte dakord me këtë qëndrim, ndërsa Boban shpjegoi edhe më tej mendimin e tij. Nuk kishte asgjë personale ndaj Bastonit, përkundrazi, kishte edhe komplimente për ndeshjen e tij të mirë: “Çmimi për një mbrojtës? Po, për Carlos Augusto do kishte kuptim. Bastonin unë e adhuroj sepse ka klas dhe bëri një ndeshje shumë të mirë. Por unë do të kisha votuar për Lautaro”.

Të këshilluara

ide

Jo dhunës, po organizimit!

Ajo që i duhet protestës sociale sot, më shumë se dhuna, është organizmi i një fronti të gjerë anti-sistem që bën bashkë përfaqësues të grupimeve të ndryshme sociale që emërues të përbashkët kanë pakënaqësinë me funksionimin e regjimit aktual politik dhe ekonomik. Ky front, që mund të quhet Fronti Flamingove, duhet të ketë përfaqësues nga studentët, pedagogët, ambientalistët, shoqëria civile, partitë e reja politike siç është Lëvizja Bashkë, punëtorët, fermerët dhe përfaqësues të komuniteteve të cilave po u grabiten tokat nëpërmjet modeleve të turizmit elitar

15:10 Blendi Kajsiu

MOTI TIRANA

8°c

KËMBIMI EURO

90.84

aktuale

Zbulohen prapaskenat pse u rritën papritmas taksat, biznesi paralajmëron eksod në rajon

Situata politike që po kalon vendi pas protestave të studentëve vlerësohet faktori kryesor që ka detyruar qeverinë të propozojë ndryshime të papritura të taksave, përfshirë uljen e TVSH-së në 6% të produkteve të shportës ushqimore dhe rritjen për biznesin. Në mbledhjen e Këshillit Tatimor përfaqësuesi i qeverisë pranoi se propozimet për ulje të TVSH-së për […]

06:57
Ndiqe Lapsin edhe në

Me interes nga publiku

Media austriake Die Presse: Korrupsioni dhe varfëria ushqejnë revoltën kundër Ramës

Në Shqipëri, protestuesit kërkojnë dorëheqjen e kryeministrit jetëgjatë Edi Rama. Ndërkohë, ai po ashpërson dënimet për pjesëmarrësit në protesta. BE-ja po perceptohet gjithnjë e më shumë në Tiranë si një fuqi që qëndron në anën e gabuar. Një vizitë në një vend ku shumë njerëz kanë frikë nga “shitja e vendit”.

14:20

Me sytë katër

SPORT

Të tjerë artikuj

PAPARAZZI