Lapsi Video

Aplikacioni

Android iOS
Flash

Portugalia humb skautin ikonik: Aurélio da Silva Pereira zbuloi Figo dhe CR7

Lapsi.al 9 April 2025
Portugalia humb skautin ikonik: Aurélio da Silva Pereira zbuloi Figo dhe
Zi në futbollin portugez: Aurélio da Silva Pereira, talent scout i njohur në gjithë vendin dhe i famshëm në gjithë botën, ka ndërruar jetë në moshën 77-vjeçare. Lajmin e ka bërë të ditur Sporting Club de Portugal në rrjetet sociale. Ka qenë futbollist dhe më pas trajner, por mbahet mend mbi të gjitha për faktin se ka qenë përgjegjës i programit të rekrutimit të lojtarëve dhe i zhvillimit të të rinjve, të cilin e ka drejtuar nga viti 1988 deri në 2019: ai ka zbuluar futbollistë të kalibrit të Luis Figos, Cristiano Ronaldos, Rui Patricios, Simaos dhe Rafael Leaos. Falë punës së tij, shumë futbollistë portugezë kanë nisur një rrugëtim që i ka çuar në nivele të larta dhe më pas disa prej tyre kanë kaluar te gjigandët e futbollit europian. Kur Portugalia fitoi Europianin në vitin 2016, dhjetë nga lojtarët ishin zbuluar prej tij dhe ai grup u pagëzua si “The Aurélios”. Për këtë arsye, Aurélio është bërë një figurë shumë e dashur jo vetëm për tifozët e Sporting CP, por për gjithë vendin.

Zbuloi yjet portugezë Figo e Cristiano Ronaldo

Aurélio da Silva ka fituar shumë çmime, mes tyre Medaljen për Meritë Sportive të Qytetit të Lisbonës në vitin 2017 dhe Urdhrin për Meritë të UEFA-s në vitin 2018, si njohje për kontributin e tij në zhvillimin e futbollit portugez dhe atij europian. Cristiano Ronaldo ka publikuar një mesazh për të kujtuar Aurélio da Silvën: “Një nga simbolet më të mëdha të formimit të futbollistëve në botë është larguar prej nesh, por trashëgimia e tij do të jetojë përgjithmonë. Nuk do të ndal kurrë së qenuri mirënjohës për gjithçka që ke bërë për mua dhe për shumë lojtarë të tjerë. Lamtumirë zoti Aurélio, faleminderit për gjithçka. Prehu në paqe”.

Sporting qan ndarjen nga jeta të Aurélio Pereira: ishte 77 vjeç

Në një njoftim të shpërndarë në mesditën e së martës, Sportingu kishte shprehur “keqardhjen për ndarjen nga jeta të Aurélio da Silva Pereira, të paharrueshmit Senhor Formação, në moshën 77-vjeçare.” Luanët kujtuan se Aurélio Pereira ishte një lojtar i sektorit të të rinjve të klubit dhe se ishte rikthyer pas një periudhe te Benfica, ku ishte bërë trajner: “Në vitin 1988 krijoi dhe u bë përgjegjës i Departamentit të Rekrutimit dhe Formimit dhe historia që prej asaj kohe është mëse e njohur dhe e njohur nga të gjithë: zbuloi shumë prej talenteve më të mëdhenj kombëtarë dhe i solli te Sporting CP, ku u rritën dhe lulëzuan, për të kaluar më pas në skenat më të mëdha të futbollit botëror.” Komunikata veçon lojtarë si Paulo Futre, Luís Figo dhe Cristiano Ronaldo, pa harruar “talentet më të fundit si Leao”.

Të këshilluara

ide

Jo dhunës, po organizimit!

Ajo që i duhet protestës sociale sot, më shumë se dhuna, është organizmi i një fronti të gjerë anti-sistem që bën bashkë përfaqësues të grupimeve të ndryshme sociale që emërues të përbashkët kanë pakënaqësinë me funksionimin e regjimit aktual politik dhe ekonomik. Ky front, që mund të quhet Fronti Flamingove, duhet të ketë përfaqësues nga studentët, pedagogët, ambientalistët, shoqëria civile, partitë e reja politike siç është Lëvizja Bashkë, punëtorët, fermerët dhe përfaqësues të komuniteteve të cilave po u grabiten tokat nëpërmjet modeleve të turizmit elitar

15:10 Blendi Kajsiu

MOTI TIRANA

8°c

KËMBIMI EURO

90.84

aktuale

Zbulohen prapaskenat pse u rritën papritmas taksat, biznesi paralajmëron eksod në rajon

Situata politike që po kalon vendi pas protestave të studentëve vlerësohet faktori kryesor që ka detyruar qeverinë të propozojë ndryshime të papritura të taksave, përfshirë uljen e TVSH-së në 6% të produkteve të shportës ushqimore dhe rritjen për biznesin. Në mbledhjen e Këshillit Tatimor përfaqësuesi i qeverisë pranoi se propozimet për ulje të TVSH-së për […]

06:57
Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI