Matty Cash, pas Champions intervistohet nga e motra në TV: “E harron gjithmonë”

Matty Cash e rigjeti buzëqeshjen në zonën mixed pas humbjes me Aston Villën e tij ndaj PSG-së. Anësori, pavarësisht një mbrëmjeje të vështirë në Champions, që kulmoi me zëvendësimin e tij pas 45 minutash, u gjend të intervistohej nga motra e tij, Hannah, për CBS. Ishte e vështirë të përmbaje buzëqeshjet dhe emocionin për futbollistin, i cili u “shpëtua” nga gazetarja. Kjo e fundit, edhe një herë, i mundësoi futbollistit të kombëtares polake të rishikonte ndeshjen e tij falë regjistrimit të saj.

Profesionalizëm mes emocionesh

Kur të dy u gjendën afër, Hannah tregoi shumë profesionalizëm, duke filluar menjëherë nga pika e dobët, pra nga zëvendësimi në pushim i vëllait të saj: “Trajneri foli me mua dhe më tha se ishte krenar për mua, por ishte një vendim i skuadrës që të më nxirrnin nga loja, sepse isha tashmë i ndëshkuar me karton të verdhë. Jam i mërzitur, por sigurisht e respektoj vendimin dhe do të nis gjithçka nga java tjetër. Nuk shoh dot momentin t’i ritakoj në Villa Park”. Motra më pas deshi të dinte se si e kishte përjetuar futbollisti emocionin e Champions dhe të një përballjeje kaq prestigjioze: “Mëson shumë, e di, kur luan këtë lloj ndeshjesh. Mendoj se çdo minutë që luan, mëson. Dhe natyrisht edhe kur luan kundër skuadrave më të forta. Dhe kjo është vetëm ndeshja e parë, unë tashmë po mendoj për ndeshjen e kthimit dhe shpresoj që do të ketë një atmosferë të bukur”.

Aston Villa's @mattycash622 joined #UCLToday interviewed by our very own @hannah_cashh... his sister! ❤️ pic.twitter.com/wkvpVu46ZT

— CBS Sports Golazo ⚽️ (@CBSSportsGolazo) April 9, 2025

Në këtë moment, Hannah Cash e la veten të lirë për një përshëndetje të veçantë për të vëllanë: “E di që para ndeshjes më the që ta regjistroja ndeshjen në TV sepse gjithmonë e harron. Dhe kështu bëra, kështu që do ta mundesh të shohësh. Përqafohu me mua Matthew, jam krenare për ty. Të dua shumë”. Një përshëndetje e përzemërt mes të dyve, për një nga skenat më të bukura të mbrëmjes.

Lexo më tej: Çfarë Parisi me Doué, Kvara e Mendes, përmbys Aston Villa: Barcelona thërmon Dortmund

E ngacmuar më pas mbi regjistrimin, gazetarja shpjegoi: “E ka këtë problem Matthew, sa herë që shkon të luajë në transfertë, gjithmonë e harron të regjistrojë ndeshjen në TV-në e tij. Atëherë më dërgon një mesazh rreth dy orë para ndeshjes: ‘Hannah, mund të hysh në llogarinë time dhe ta regjistrosh ndeshjen për mua?’. Dhe unë i them: ‘Matthew, po luan një nga ndeshjet më të rëndësishme të jetës tënde dhe e ke harruar ta regjistrosh në TV’. Prandaj u sigurova ta bëja për të, që të mund t’i shohë ato 45 minuta”.