Prada dhe Capri Holding gjejnë gjuhën e përbashkët për blerjen e Versace nga grupi italian. Marrëveshja parashikon blerjen e 100% të markës Medusa për një vlerë prej 1.25 miliardë euro, ekuivalente me 1.375 miliardë dollarë. Versace do të kalojë nga amerikanët e Capri Holding te italianët e Prada për më pak se sa ishte menduar më parë prej 1.5 miliardë eurosh. Kompania Capri Holding e listuar në Wall Street në vitin 2018 e bleu markën nga familja Versace dhe Blackstone për mbi 1.8 miliardë euro.
“Ne jemi të kënaqur të mirëpresim Versace në Grupin Prada dhe të fillojmë një kapitull të ri për një markë me të cilën ne ndajmë një angazhim të vazhdueshëm për kreativitetin, kujdesin ndaj produkteve dhe një trashëgimi të fortë kulturore. Synimi ynë është t'i japim vazhdimësi trashëgimisë së Versace", - tha Patrizio Bertelli, kryetar dhe drejtor ekzekutiv i grupit Prada.
"Organizata jonë është e gatshme dhe e pozicionuar mirë për të shkruar një faqe të re në historinë e Versace, duke shfrytëzuar vlerat e Grupit dhe duke vazhduar të operojë me besim dhe vendosmëri rigoroze," shtoi ai. Nënshkrimi i marrëveshjes u shty për disa muaj për shkak të pengesave, përfshirë kushtet e Presidentit Trump, zbatimi i të cilave është shtyrë, edhe nëse barriera e mundshme tarifore është e destinuar të ushtrojë presion mbi një sektor, ai i luksit, i cili tashmë është penalizuar në dy vitet e fundit. ©LAPSI.al
