Eric Dane, i njohur për rolin e tij në “Euphoria”, është diagnostikuar me sklerozë laterale amiotrofike ose sëmundje të neuroneve motorike (ALS).
Aktori zbuloi lajmin përmes People, duke komentuar se “Ndihem mirënjohës që kam pranë meje familjen time të dashur, për të hyrë së bashku në këtë kapitull të ri”.
Pavarësisht diagnozës, ai shtoi se “ndihem me fat që mund të vazhdoj të punoj dhe mezi pres të rikthehem në xhirimet e ‘Euphoria’ javën e ardhshme”. Do të doja t’ju kërkoja me mirësi që t’i jepni familjes sime dhe mua privatësi gjatë kësaj periudhe.” Aktori 52-vjeçar është i martuar me Rebecca Gayheart dhe kanë dy vajza adoleshente : Billie Beatrice, 15 dhe Georgia Geraldine, 13.
