Hetimi i Prokurorisë së Milanos mbi rastin e basteve nuk ka të bëjë vetëm me kryeqytetin lombard, një raport i Shërbimit Operativ Qendror të Policisë flet për një qendër bastesh të paligjshme në Romë. Këtu, shkruan Policia në dokumentin e raportuar nga La Repubblica, luajnë “futbollistë dhe këngëtarë” dhe mes tyre shfaqet edhe emri i Nicolò Fagioli i cili “ishte i ekspozuar ndaj organizatës ku vendoste bastet e paligjshme për rreth 2,8 milionë euro”.
Në atë që në një moment, sipas mesazheve, quhet “roman kriminal”, ka figura të errëta. Duke filluar nga Nelly, mbledhësi që kërcënon ish-mesfushorin e Juventus: “Fagioli, për Zotin, betohem për fëmijët e mi që të mërkurën nëse nuk i kam paratë e mia, vij në Torino dhe të bëj të ndalosh së luajturi”. Dhe pastaj Ludwig, trapperi mik i mesfushorit të lindur në vitin 2001: “Mos bëj të zgjuarin: kam screenshot që ti vë bast për hedhjet anësore” (screenshot-e që nuk u gjetën kurrë, ndryshe pezullimi do të kishte qenë më i gjatë se 7 muaj).
Shantazhi pas borxhit të rritur...
Borxhi mori përmasa aq të mëdha sa që Fagioli u përpoq të përgjigjej: “(një shumë e tillë, shën. red.) nuk e fitoj as për një vit. E di që ky është profesioni juaj, por duhet të më jepni kohë të rikuperoj. Kam ankth për ndeshjen, por si ta bëj…”. Shantazhistët nuk treguan mëshirë: “Mendon se ne mund të na tallësh?”, por Fagioli nuk u dorëzua: “Ludovico (Ludwig, shën. red.) nuk ka lidhje fare, ju bëni punën tuaj. Unë do të rikuperoj”.
Lexo më tej: Perin e futi Paredes në grupin e pokerit pas Napoli-Juve 5-1: mesazhet në 2 të natës
Për të tentuar të rikuperojë, mesfushori i Italisë ndryshon agjent, përpiqet të shesë të drejtat e imazhit edhe për të ardhmen, si garanci. Më pas i drejtohet “Marcos” (sipas agjentëve bëhet fjalë për Marco Giordanon, djalin e Brunon, që merret me interesat e lojtarit të Fiorentinës që nga viti 2023. Nuk është nën hetim) i cili e qetëson: “Vëllai im ka qenë me një mikun tonë shumë të rëndë, do t’i thotë të qetësohet të paktën në Romë, ku nuk lëviz gjë pa dijeninë e tyre”.
Juventus po e zbulonte
Por Fagioli është i dëshpëruar: “Sot më kanë folur te Juve duke më pyetur nëse kam ndonjë problem, sepse po kuptojnë që kam diçka dhe u ka ardhur zëri për lojën. Nesër nuk do të luaj (në kuptimin si futbollist në fushë, shën. red.) dhe nëse vazhdon kështu do të rri gjithmonë në stol, nuk arrij më të shkoj në stërvitje i lumtur. Kam kërcënime dhe gjithçka, nuk kam më as kohë e as justifikime. Nëse shpërthen kjo bombë jam i mbaruar për jetë, edhe Juve ma ka thënë. Mund të flasësh me shefat për të kuptuar nëse mund të më ndihmojnë? Ky është një problem më i madh se unë”.
