Janë mësuar detaje të reja nga vrαsja që tronditi Lezhën mbrëmjen e kësaj të enjteje në fshatin Pllanë të Lezhës. Viktima është një 64-vjeçar, i identifikuar si Gjovalin Prendi. Ngjarja ndodhi në lokalin e viktimës.
Sipas burimeve në vendin e ngjarjes, autori zbriti nga një automjet tip Range Rover dhe hapi zjarr me breshëri kallashnikovi në drejtim të lokalit duke lënë të vdekur në vend 64-vjeçarin.
Ai ndërroi jetë gjatë transportimit në Spitalin Rajonal të Lezhës. Prendit i është bërë atentat në të njëjtin lokal edhe në vitin 2020.
[video width="640" height="360" mp4="https://cdnimpuls.com/lapsi.al/wp-content/uploads/2025/04/ok.mp4"][/video]
Viktima është babai i Roan Brahimit i njohur edhe si Sidorel Prendi, i ekzekutuar më 9 maj 2024 në Athinë. Ai u qëllua nga persona që lëviznin me një motor në sy të gruas dhe fëmijëve të tij sapo ishte kthyer nga Dubai.
Roan Brahimi ka qenë i dyshuar për lidhje në vrasjen e Gentjan Bejtjes në 15 mars të këtij viti në Larushk të Krujës. Brahimi njihej edhe si “armiku” i Ervis Martinajt. Ai është shpallur në kërkim për t’u marrë në pyetje pas vrasjes se Brilant Martinajt në 17 korrik 2022 ku humbën jetën edhe dy persona të tjerë. ©LAPSI.al
