Ajo përdor një fjalor rruge duke u çjerrë "o Gazooooo", duke i shtuar nga pas "o ylloooo", "o zemraaaa" dhe duke mos harruar asnjëherë që të kujtojë se vota duhen çuar në thesin e Belindës. Duke parë këtë maskaradë, natyrisht që do ishte e tepërt të akuzoje Ballukun në listën e gjatë të mëkateve të së cilës ky vëzhgim moral do renditej nga fundi. Për të nuk mund të kritikosh as vajzën nga Roskoveci që sado fatkeqe apo laraskë qoftë, është në moshë madhore për të vendosur se si të përdoret. Këtu problemi është tjetër. Lubi Balluku / Pse po ngrihet fortuna mbi Belindën? Si ka mundësi që një çupulinë anonime, me një kapacitet të mjerueshëm mendor, me një fjalor banal dhe aludime perverse, mund të kthehet në hit të mediave të mëdha? Si ndodh që në pak ditë ajo të katapultohet nga Roskoveci në Tiranë?View this post on Instagram
Shpjegimi nuk mund të jetë profesional. Ai nuk ka lidhje me as me rolin e mediave për të shuar kërshërinë e publikut. Thjeshtë Zegjine Çaushi është bërë një vegël në dorën e makinerisë propagandistike të rilindjes. Videot e saj shpërndahen shpesh me të njëjtin titull dhe me të njëjtin tekst shoqërues, nga e njëjta dorë (shiko faksimilet nga Google ne fund te shkrimit). Ato nuk janë lajm. Ato janë servis që shumica e mediave i kryejnë pushtetit. Në këtë mënyrë, pa djeninë e saj, Zegjineja e shkretë është bërë një lloj lakmusi se cilat janë mediat që kanë bëtë pakt me djallin. Se cilat janë ato që në këtë garë kanë vendosur të bëjnë fushatë të fshehtë, por fitimprurëse për rilindjen. Arben Ahmetaj: Belinda Balluku, grabitësja më e madhe e buxhetit Denduria e përdorimit dhe e publikimit të saj dëshmon edhe diçka tjetër. Ajo tregon se cilat janë ato TV dhe portale që konrollohen nga Belinda Balluku, e cila pas rënies së fuqisë mediatike të Veliaj ka mbushur me shpejtësi vakumin e lënë prej tij. Pra në çdo media që shokoni të publikuara videot e Zegjinesë "cherchez la femme". ©Lapsi.alView this post on Instagram
