Këtë të shtunë i është dhënë lamtumira e fundit 64-vjeçarit, Gjovalin Prendi i cili u vra dy ditë më parë në Pllanë të Lezhës. Ceremonia mortore mësohet se është bërë nën masa të rrepta siguri. Policia mori masa pasi familja e viktimës, konkretisht djali i ndjerë i 64-vjeçarit Roan Brahimi ka patur shumë konflike me grupe kriminale.
Frika për raste të tjera kriminale nga konfliktet e vjetra është i lartë. Një tjetër detaj që ka sjellë masa të rrepta sigurie eshtë edhe fakti se shënjestër e atentatit dyshohet se ka qenë nusja e Roan Brahimit dhe jo 64-vjeçari. Edhe vetë Roan Brahimi u ekzekutua në maj të vitit të kaluar në Athinë, në sy të gruas së dytë dhe fëmijës. Policia gjithashtu ka ushtruar kontrolle në banesat e fisit Reci në Mirditë, ku për shkak të konfliktit me fisin Gjini nga të dyja palët janë vrarë disa persona.
