Gjirokastra u trondit këtë të diel nga një ngjarje e rëndë. Një 17-vjeçar i dha fund jetës duke u vetëvarur.
“Rreth orës 13:30, në spitalin Rajonal Gjirokastër është çuar nga familjarët, pa shenja jete shtetasi V.P., 17 vjeç, banues në fshatin Valare. Nga veprimet paraprake, dyshohet se 17-vjeçari është vetëvarur në banesë. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes” - njoftoi Policia e Gjirokastrës.
Ajo që ka ngritur shumë dyshime është fakti se i mituri ishte nxënës i gjimnazit "Siri Shapllo" të Gjirokastrës, në të njëjtën shkollë ku studionte edhe 17-vjeçarja Irsa Muçollari, që i dha fund jetës dy muaj më parë.
Prokuroria e Gjirokastrës ka nisur hetimet për të përcaktuar shkaqet dhe motivet që e kanë çuar nxënësin e shkollës “Siri Shapllo” drejt aktit tragjik. Nuk përjashtohet as pista e bullizmit. Mediat raportojnë se 17-vjeçari ishte trajtuar edhe nga psikologia e shkollës. ©LAPSI.al
