Jozefin Marku ka reaguar për herë të parë pas largimit nga “Big Brother Vip Albania 4 ”.
Përmes rrjetit të tij social, Instagram, ai ka ka dhënë versionin e tij për incidentin me Gjestin, si dhe ka shprehur mirënjohje për këdo që e ka mbështetur gjatë qëndrimit në shtëpi.
"Dua të falenderoj nga zemra të gjithë popullin shqiptar që më keni mbështetur dhe përkrahur në këtë rrugëtim aspak të lehtë që kalova.
Faleminderit për dashurinë që më dhatë gjatë qëndrimit tim në shtëpi dhe edhe më shumë, jashtë saj. Mirënjohje për secilin prej jush, si dhe për ekipin e Top Channel, që më dha mundësinë të isha pjesë e këtij formati kaq të dashur për të gjithë ne - një eksperiencë që do mbetet e paharrueshme në jetën time.”, shkruan ai.
Më tej, Jozi ka treguar se veprimi i tij ndaj Gjestit erdhi si pasojë e një sërë provokimesh.
“ U futa në Big Brother dhe zgjdhoa të luaj fort. Të paktë ishin ata që kuptuan lojën dhe vërtetësinë time. Zgjodha të isha i sinqertë, i drejpërdrejtë, pa filtra dhe ndodhta pikërisht kjo më kushtoi në këtë rrugëtim.
Ndjesë për këdo që mund ta ketë përjetuar keq atë që ndodhi. Por ju siguroj se presioni, veprat dhe ngacmimet kanë qenë të shumta gjatë gjithë rrugëtimit tim kundrejt meje në atë shtëpi."
Jam provokuar, por në asnjë moment nuk kam zgjedhur të luaj rolin e viktimës. Edhe kur fjalët dhe veprimet e rënda më kanë lënduar thellë, kam heshtur, kam duruar... por edhe durimi ka një kufi. Për të gjithë ata që perpiqen të hedhin baltë mbi imazhin tim, kam vetëm një fjalë: "Balta që vjen nga llumi, nuk të bën pis", përfundoi këngëtari.
