Partizani, Egnatia, Dinamo e Vllaznia: katër skuadra që do të kërkojnë të shkojnë në finalen e Kupës së Shqipërisë dhe që kanë të gjithë shanset për tia dalë. Sot do të luhen ndeshjet e kthimit gjysmëfinale të Kupës së Shqipërisë, që do të përcaktojnë edhe ekipet që do të përballen në finalen e madhe të 1 majit.
Në orën 19:00 do të luhet sfida mes të kuqve dhe Egnatias, me të kuqtë që vijnë me avantazhin 1-0 nga takimi i parë. Ndeshja do të zhvillohet në “Arena e Demave”. Partizani ka tre fitore e një barazim në 5 sfidat e deritanishme dhe me 0-2 e marrë në fazën e parë të kampionatit thyen për herë të parë tabunë Arena Egnatia. Tetova këtë herë ka mundur të fitojë vetëm një herë ndaj Partizanit dhe do të kërkojë të dytën, në një fushë kur gjërat nuk i kanë shkuar mirë në këtë sezon, me asnjë sukses në dy vizitat e para. Në anën tjetër, Gega duhet të menaxhojë një gol për të shkuar në atë finale.
Lexo më tej: Egnatia dominon, Keko i dënon: Partizani fiton në Rrogozhinë dhe sheh finalen pranë
Në ndeshjen tjetër gjysmëfinale mes Dinamo City dhe Vllaznisë, gjithçka është e hapur pasi ndeshja e parë përfundoi me rezultatin 0-0. Ky takim do të luhet në “Elbasan Arena” në orën 19:00. Blutë e shkodranët I kanë fatet të ndërthurura, duke qenë se sfidohen në javën e fundit të kampionatit edhe për vendin e dytë në renditje.
