Koinçidenca mes datës së vdekjes e numrit të kartës
Sipas të dhënave të paraqitura në kartën në fjalë, numri i anëtarësisë së Jorge Mario Bergoglios është 88235. Ata që po shpërndajnë postimin – dhe mediat argjentinase që e kanë pasqyruar gjerësisht – theksojnë se dy shifrat e para të kartës përkojnë me moshën e Papa Françeskut në momentin e vdekjes, pra 88 vjeç. Tre shifrat e tjera do të tregonin orën e ndarjes së Papës nga jeta: ora 2:35 në Argjentinë, duke marrë parasysh diferencën kohore prej pesë orësh me Romën (në Itali ishte ora 7:35 e mëngjesit të së hënës), siç është bërë e ditur në komunikatën zyrtare të kardinalit Farrell. Bergoglio ishte Papa i parë argjentinas në histori dhe në atdheun e tij vdekja ka pasur jehonë të madhe: nëse qeveria italiane ka shpallur 5 ditë zie kombëtare, në Argjentinë zia e shpallur zgjat një javë. Presidenti i shtetit të Amerikës së Jugut, Javier Milei, të shtunën do të jetë në Romë mes fuqive të planetit për t’i dhënë lamtumirën përfundimtare Bergoglios me rastin e funeralit të tij. Rastësia, e cila natyrisht mund të dallohet vetëm duke përzier në mënyrë imagjinative fenë me tifozërinë futbollistike, nuk bëri gjë tjetër veçse forcoi më shumë lidhjen mes Papa Françeskut dhe klubit San Lorenzo.El Papa murió con 88 años, a las 2.35 (hora argentina) ¿Número de socio de Bergoglio? 88235 Tocará creer en las fuerzas del cielo nomás https://t.co/NBGn1CdEUi
— Juan Luis González (@juanelegonzalez) April 21, 2025
Klubi kuqeblu e përshëndeti në rrjetet sociale
“Nuk ka qenë kurrë dikush si gjithë të tjerët, por gjithmonë një prej nesh. ‘Cuervo’ që në fëmijëri dhe në moshë madhore… ‘Cuervo’ si meshtar dhe kardinal… ‘Cuervo’ edhe si Papë… Ai gjithmonë ka transmetuar pasionin e tij për Ciclón-in… Kur shkonte në Gasómetro-n e Vjetër për të parë skuadrën e vitit ’46, kur e krezmonte Angelito Correan në kapelën e Ciudad Deportiva-s, kur i priste me gëzim të madh vizitat azulgrana në Vatikan… Anëtar N°88235. Nga Jorge Mario Bergoglio te Françesku, ka një gjë që nuk ka ndryshuar kurrë: dashuria e tij për Ciclón-in. Të mbështjellë nga një dhimbje e thellë, sot ne të San Lorenzos i themi Françeskut: Lamtumirë, faleminderit dhe mirupafshim përgjithmonë! Do të jemi të bashkuar në përjetësi!”.Nunca fue uno más y siempre fue uno de los nuestros. Cuervo de niño y de hombre... Cuervo como sacerdote y Cardenal... Cuervo también como Papa... Siempre transmitió su pasión por el Ciclón: cuando iba al Viejo Gasómetro para ver al equipo del 46, cuando confirmaba a Angelito… pic.twitter.com/nVc8fWC9wi
— San Lorenzo (@SanLorenzo) April 21, 2025
