Kryeministri Edi Rama në një bashkëbisedim me ndjeksit e tij në rrjetet sociale ka thanë se në gjuhën e tij gjatë fushatës ka gabuar me termin ‘autik’ për të cilën ai kërkoi ndjesë. Sipas tij autizmi politik është një term i përdorur në literaturën politike dhe akademike. Ndërsa për 'çyryk politik' Rama u shpreh se e përdor për ata që shkojnë në kënetë dhe kush e kupton nuk ndihet i fyer.
"Ka vetëm një gjë që kërkova ndjesë dhe aty ka qenë një gabim krejt pa dashje, ku kam kërkuar ndjesë. Autizmi politik është një term i përdorur në literaturën politike dhe akademike, nuk është krijuar për të fyer dhe lënduar askënd, mirëpo prej disa kohësh konsiderohet i papërshtatshëm.
Politika dhe beteja politike është dyluftim me mjete paqësore, me fjalë dhe me gjuhën shpatë. Kush nuk e ka gjuhën shpatë nuk duhet të futet në politikë, por kurrë duke cënuar familjen dhe vetë kundërshtarin përtej sarkazmës. Unë nuk kam ofenduar asnjë burrë dibran, kam thënë që gjysmat 56 për qind e grave dhe vajzave, kjo është përgjigja më e mirë për të gjithë ata që në pasqyrat e kënetës çorodisin miletin, fakti që 56 për qind e grave dhe vajzave janë pjesa më e shëndetshme politikisht. Pse e kam thënë që janë çyryk politikisht, të shkosh në kënetën dhe të mos kuptosh momentin historik, ka një problem shumë të madh. Burrat dibranë që kuptojnë nuk janë fare të fyer.”, tha Rama.
