Sophie Turner dhe Peregrine Pearson kanë ndezur thashethemet për ndarje pas gati dy vitesh lidhje.
Ylli i “Game of Thrones”, 29 vjeç, hodhi dyshime mbi statusin e marrëdhënies së saj kur ndaloi së ndjekuri aristokratin britanik në rrjetet sociale.
Gjithashtu, ajo publikoi një postim enigmatik në Instagram Stories që thoshte thjesht “tutto passa”( gjithçka kalon).
Megjithatë, shumë foto të Turner me Pearson vazhdojnë të jenë në profilin e saj në rrjetet sociale, duke lënë të paqartë fansat se cili është statusi i tyre aktual.
Turner e bëri publike lidhjen me Pearson në tetor të vitit 2023, vetëm një muaj pasi kishte njoftuar për ndarjen nga Joe Jonas, me të cilin ka dy vajza.
Në atë kohë, ajo u fotografua duke u puthur me Pearson në rrugët e Parisit. Dyshja u bënë zyrtarisht çift në Instagram për Vitin e Ri.
Në tetor të vitit 2024, Turner i bëri një dedikim të ndjerë Pearson-it për ditëlindjen e tij të 30-të, duke shkruar: “Gëzuar ditëlindjen engjëlli im i dashur. 30, me stil dhe në formë të shkëlqyer,” krahas disa fotove të ëmbla të çiftit në momente të ndryshme.
Por postimi i fundit që përfshin Pearson është nga janari i vitit 2025, kur aktorja publikoi një përmbledhje të momenteve të vitit të kaluar.
