David Arquette do të rikthehet si Dewey Riley në filmin e ardhshëm të sagës së njohur horror, “Scream 7” – pavarësisht faktit që Dewey u vra nga Ghostface (Amber Freeman, luajtur nga Mikey Madison) në “Scream 5”.
Gjatë promovimit të filmit të tij të ri “Mob Cops”, Arquette i tha ekskluzivisht “The Post” se lajmi për rikthimin e tij në “Scream 7” ishte një “spoiler”.
“Duhej të ishte një surprizë,” tha ai. “Nuk më pëlqejnë spoiler-at,” shtoi aktori.
Megjithëse lajmi doli para kohe, Arquette është i emocionuar që publiku do ta shohë filmin kur të dalë në kinema më 27 shkurt 2026.
Ai zbuloi gjithashtu se “Scream 7” do të drejtohet nga Kevin Williamson – i cili shkroi skenarin për dy filmat e parë dhe krijoi gjithë botën e “Scream”.
“E ndjejmë shumë mungesën e Wes Craven,” tha Arquette për regjisorin legjendar të katër filmave të parë, “por të punosh me Kevin si regjisor ishte emocionuese.”
Filmi i ri do të rikthejë gjithashtu personazhe të tjerë “të vdekur” si Stu Macher (Matthew Lillard) dhe Roman Bridger (Scott Foley), një kthesë që ka ngjallur shumë kureshtje te fansat.
David shprehu kënaqësinë që do të punojë sërish edhe me ish-bashkëshorten e tij Courteney Cox (Gale Weathers).
“Ne kemi një vajzë bashkë, kështu që jemi bashkëprindër të shkëlqyer. Ndihem me fat që e njoh,” tha ai.
Përveç aktorëve legjendarë, “Scream 7” do të ketë edhe emra të rinj si Isabel May, Joel McHale, Ethan Embry, Anna Camp, Mark Consuelos dhe McKenna Grace.
