Presidenti amerikan Donald Trump tha në një intervistë të botuar sot se “Krimea do të qëndrojë me Rusinë”.
“Zelenskyy e kupton këtë”, tha Trump, duke iu referuar presidentit ukrainas, “dhe të gjithë e kuptojnë se gadishulli ka qenë me ta (Rusinë) për një kohë të gjatë”.
Presidenti amerikan i bëri komentet në një intervistë për revistën Time të kryer të martën. Trump ka akuzuar Zelenskyn për zgjatjen e luftës duke i rezistuar negociatave me presidentin rus Vladimir Putin.
Krimea është një gadishull strategjik përgjatë Detit të Zi në jug të Ukrainës. Ai u mor nga Rusia në vitin 2014, ndërsa Presidenti Barack Obama ishte në detyrë, vite përpara pushtimit në shkallë të gjerë që filloi në 2022.
“Ata i kanë pasur nëndetëset e tyre atje për shumë vite përpara çdo periudhe për të cilën po flasim, për shumë vite. Njerëzit flasin kryesisht rusisht në Krime,” tha Trump.
“Por ajo u dha nga Obama. Nuk u dha nga Trump”, theksoi ai.
