Ekipi i Skënderbeut në volejboll për femra është aksidentuar në Qafë-Thanë.
Autobusi ku udhëtonin vajzat është përplasur.
Ekipi i Skënderbeut në volejboll për femra po udhëtonte drejt Tiranës për të luajtur sot ndeshjen e dytë finale.
Autobuzi është përplasur dhe ka përfunduar buzë kanalit, ndërkohë që vajzat e ekipit që kanë qenë përpara kanë pësuar dëmtime dhe disa janë traumatizuar.
Vajzat që kanë pësuar dëmtime të lehta janë transportuar drejt spitalit.
Ndeshja Tirana-Skënderbeu që do të luhej sot, është shtyrë për një datë të pacaktuar, pasi vajzat kanë pësuar traumë, teksa pritet konfirmimi i FSHV-së.
