Kryeministri Edi Rama, gjatë një vizite në Kukës, deklaroi ambicien për të kthyer këtë qark në një destinacion turistik me 1 milion vizitorë deri në vitin 2030.
Ai theksoi se Bashkimi Europian i ka hapur dyert Shqipërisë dhe se vendi duhet të përmbushë detyrimet e veta për të përfituar nga ky moment historik.
Rama nënvizoi rëndësinë e orientimit drejt Perëndimit, duke përmendur Skënderbeun dhe Rilindasit si frymëzim. “Ne duam që çdo fëmije t’i japim pasaportën europiane,” tha ai, duke i bërë thirrje qytetarëve të votojnë me mendje dhe jo si tifozë, për të shmangur, sipas tij, kthimin pas në zhvillim.
Edi Rama në Kukës: Më 2030, qarku Kukës do të ketë 1 milion turistë. BE na ka hapur dyert, mjafton që ne të bëjmë detyrat që na janë ngarkuar. Skënderbeu e përcaktoi se vendi i Shqipërisë është në perëndim dhe jo në lindje. Edhe Rilindasit thanë se për ne shqiptarët, dielli lind andej nga perëndon. Treni i historisë na ka dalë përpara syve dhe nuk duhet ta humbim sërish. Mos votoni si tifoz, se ja jep votën kënetës dhe e lë Kukësin në gjendje të rëndë. Ne duam që çdo fëmije t’i japim pasaportën europiane.I
