Ndeshjet e para gjysmëfinale të Europa League flasin qartë anglisht. Manchester United dhe Tottenham i janë afruar ndjeshëm finales së madhe që do të zhvillohet në Bilbao. "Djajtë e Kuq" mposhtën 3-0 Athletic Bilbaon në fushën e tyre falë dygolëshit të Bruno Fernandes ('37, '45) dhe golit të Casemiros ('30). Ndërkohë, Tottenham fitoi në Londër kundër norvegjezëve të Bodø/Glimt. Ndeshja përfundoi 3-1 me golat e Johnson (1’), Maddison (34’) dhe Solanke (61’).
Conference League
Fiorentina del nga ndeshja e parë gjysmëfinale e Conference League me një humbje. Në Sevije, Betis fitoi 2-1, një rezultat që lë gjithçka të hapur për ndeshjen e kthimit më 8 maj në stadiumin “Franchi”. Ezzalzouli (në minutën e 6-të) dhe Antony (në të 64-ën) i dhanë fitoren skuadrës spanjolle. Por goli i Ranierit në minutën e 73-të e mban në lojë formacionin e drejtuar nga Palladino. Në gjysmëfinalen tjetër, Chelsea kalon lehtësisht: 4-1 ndaj Djurgarden dhe i afrohet shumë finales.
