Një ngjarje e rëndë ka ndodhur në orët e para të mëngjesit në kryeqytet. Një shpërthim me lëndë plasëse ka ndodhur pranë një parkingu të një spitali në rrugën “Pjetër Budi”, Tiranë. Lënda plasëse është vendosur në automjetin e shtetases Matilda Kaja, mjeke në spitalin privat pranë të cilit ndodhi ngjarja.
Fatmirësisht si pasojë e shpërthimit nuk ka të lënduar vetëm, dëme materiale.
“Rreth orës 03:55, të datës 01.05.2025, në rrugën “Pjetër Budi”, dyshohet se në parkingun në afërsi të një spitali, është vendosur një sasi e vogël e dyshuar lëndë plasëse në gomën e parë të automjetit në pronësi të shtetases M. K. Si pasojë ka vetëm dëme materiale. Grupi hetimor po punon për identifikimin dhe kapjen e autorit/ve si dhe sqarimin e rrethanave të rastit”, informoi sot policia.
Grupi hetimor po punon për identifikimin dhe kapjen e autorit/ve si dhe sqarimin e rrethanave të rastit.
