Një aksidenti i rëndë ka ndodhur paraditen e sotme rreth orës 10:40, në fshatin Lepenicë të Vlorës. Mësohet se një 35-vjeçare duke drejtuar automjetin tip “Renault”, dyshohet se ka humbur kontrollin mbi drejtimin e automjetit dhe ka dalë nga rruga, duke rënë në lumë.
Si pasojë e aksidentit, janë dëmtuar drejtuesja e mjetit dhe dy fëmijët që udhëtonin me të. Të tre personat e plagosur janë transportuar në spital dhe ndodhen nën kujdesin e mjekëve. Ndërkohë grupi hetimor ndodhet në vendngjarje dhe po kryen veprimet për zbardhjen e plotë të rrethanave të aksidentit.
