Brian Austin Green foli për herë të parë në podcast-in e tij "Oldish mbi prishjen e martesës me Megan Fox, ndarjen e tyre dhe lidhjen e saj të menjëhershme me këngëtarin Machine Gun Kelly.
Green tregoi se marrëdhënia e tij me Fox nisi që kur ajo ishte vetëm 18 vjeç, ndërsa ai 30. Ai pranoi se Fox mori shumë përgjegjësi në një moshë shumë të re, duke u kujdesur për djalin e tij, Kassius, nga një lidhje e mëparshme.
“Mendoj se ajo e kuptoi që kishte humbur një pjesë të rëndësishme të rinisë dhe kërkoi të largohej. Ishte e vështirë për mua, por e kuptova,” rrëfeu Green.
Fox kërkoi për herë të parë divorc në vitin 2016, gjatë një periudhe kur Green ishte i sëmurë rëndë dhe nuk kishte mundësi për të luftuar për marrëdhënien. Ai dyshon se ajo kishte krijuar një lidhje të re gjatë xhirimeve në Nju Jork, por marrëdhënia nuk zgjati dhe çifti u bashkua sërish, duke sjellë në jetë fëmijën e tyre të tretë, Journey, në vitin 2016.
Megjithatë, në vitin 2020, Megan kërkoi për herë të dytë divorcin dhe brenda një kohe shumë të shkurtër u pa në publik me Machine Gun Kelly, të cilin e quajti “shpirti im binjak”. Kjo solli një tronditje për Green.
“Ishte shumë e vështirë për mua. Kishte xhelozi dhe dhimbje, por ia dola. U përpoqa ta mbështes edhe kur nuk e meritonte,” u shpreh ai.
Brian zbuloi se në atë kohë, aktorja i kishte kërkuar të pohonte publikisht se ajo dhe MGK ishin “vetëm miq”, për të qetësuar spekulimet në media.
Sot, Brian Austin Green është i fejuar me balerinën Sharna Burgess dhe thotë se nuk ka pendesa për të kaluarën. Ndërkohë, Megan është bërë nënë për herë të katërt në mars, duke sjellë në jetë vajzën e saj të parë me Machine Gun Kelly, pavarësisht se çifti janë ndarë që nga nëntori i kaluar.
