Shpërthim i ashpër i mesfushorit të Barcelonës Gavi dy ditë pas humbjes kundër Inter në gjysmëfinalen e Champions League, që vulosi kualifikimin e zikaltërve në finalen e madhe të Mynihut dhe eliminimin e Barcelonës. Me një story të publikuar në profilin e tij në Instagram, Gavi ka shpërthyer në lidhje me eliminimin e katalanasve nga Champions League, duke akuzuar.
Gavi: “Nuk donin që të shkonim në finale”
“Është një moment i vështirë – shkruhet në mesazhin e talentit blaugrana Gavi brenda historisë së publikuar në Instagram – sidomos duke ditur sa afër ishim me kualifikimin. Nuk donin që të shkonim në finale sepse, duke parë sezonin që po bëjmë, kishin frikë”.
“Jam i sigurt që do ta fitojmë Champions”
“Nuk ka rëndësi sa vite kanë kaluar pa e fituar Champions. Do të doja ta fitoja çdo vit edhe pse e di që është shumë e vështirë, por jam i sigurt që do ta fitojmë nëse qëndrojmë të bashkuar si gjithmonë, e di që do të ndodhë. Gjithsesi mund ta mbyllim këtë sezon me tre trofe”.
