Ndërsa shumë fansa flasin për veshjet në Met Gala, këtë vit reperja Cardi B, 32 vjeç, mori vëmendje për më shumë sesa kostumin e saj nga Burberry.
Në një video pas kuintave nga Vogue Magazine, Cardi foli për frymëzimin pas veshjes dhe tha se gjithmonë përpiqet të tejkalojë versionin e saj të mëparshëm në modë. “Të gjithë presin shumë nga unë," tha ajo. “Më bën të kuptoj se jam vërtet një superstar.”
Por komentuesit në rrjet nuk u fokusuan vetëm te veshja ose fama e saj. Shumë u shqetësuan për mënyrën se si ajo fliste në video — me zë të ngadaltë dhe dukshëm e lodhur. Disa madje e pyetën nëse ajo ishte nën efektin e drogave ose alkoolit.
Një orë pasi videoja u publikua dhe komentet nisën të shtoheshin, Cardi reagoi. Në vend që të kundërshtonte me ashpërsi, ajo u përgjigj në një koment: “Jo, isha shumë, shumë e lodhur dhe e përgjumur.”
Megjithatë, shumë përdorues vunë re edhe ndryshime në pamjen e saj, duke sugjeruar se ajo kishte bërë operacione plastike në fytyrë.
Një komentues tha: “Do doja të ndalonte së prekur fytyrën e saj.” Të tjerë e quajtën “alarmante.”
