Presidenti Donald Trump njoftoi zyrtarisht se SHBA ka arritur një marrëveshje tregtare me Mbretërinë e Bashkuar.
Trump e ka njoftuar zyrtarisht marrëveshjen nga Zyra Ovale në Shtëpinë e Bardhë, gjatë një telefonate me Keir Starmer.
“Mbretëria e Bashkuar do të përshpejtojë kalimin e mallrave amerikane përmes procesit të saj doganor”, thotë ai, dhe “nuk do të ketë asnjë burokraci”.
Presidenti amerikan tha se Starmer ka qenë “i mrekullueshëm dhe marrëdhënia emes dy shteteve së shpejti do të jetë më e fortë se kurrë më parë”.
Një reagim ka ardhur edhe nga kryeministri britanik Keir Starmer i cili e ka vlerësuar si një ditën historike.
“Është një ditë fantastike dhe historike. Kemi punuar shumë së bashku”, ka thënë Starmer.
Starmer deklaroi se marrëveshja do të nxisë tregtinë dhe do të krijojë vende pune.
“Kjo do të nxisë tregtinë midis dhe midis vendeve tona”, thotë kryeministri. “Jo vetëm që do të mbrojë vendet e punës, por do të krijojë vende pune, duke hapur aksesin në treg”, tha ai.
Sipas raportimeve nga BBC, marrëveshja përfshin eksportet amerikane të mishit të viçit, etanolit dhe produkteve të tjera bujqësore.
