Ndonëse ka kaluar rreth një orë nga orari zyrtar i votimit, votimi në disa qendra zgjedhore në Vlorë me zor ka nisur. Në qendrën e votimit 44/71/2 në Vlorë votimi nisi me vonesë, për shkak se dy komisionerë raportohet se u larguan për arsye familjare.
Në një qendër tjetër votimi në Vlorë, dera nuk po hapet për shkak se kryetarit të komisionit humbi nënën e tij. Qytetarët mësohet se po presin në radhë për të votuar.
Sot, më 11 maj 2025, 3.7 milionë shqiptarë do të zgjedhin 140 deputetët e parlamentit. Procesi i votimit nisi në orën 07:00 dhe pritet të përfundojë në orën 19:00.
