Këtë të diel qytetarët shqiptarë po u drejtohen ditën e sotme qendrave të votimit në gjithë vendin,për përbërjen e parlamentit të ri. 3.7 milionë shqiptarë do të kenë mundësinë të zgjedhin mes 11 subjekteve politike, tetë parti politike dhe tre koalicione.
Sipas, përditësimit të Komisionit Qendror të Zgjedhjeve pjesëmarrja në votime në rang vendi deri orën 11:00 ka qenë 16.83%. Raportimi për pjesëmarrjen është bërë vetëm nga 2603 prej 5225 qendrave të votimit në total. Deri më tani kanë votuar 291751 nga 1733981 zgjedhës në listën e QV-ve të raportuara. Ndërkohë në zgjedhjet parlamentare 25 Prill 2021 deri në orën 11:00, përqindja e votuesve ka qenë 20.81%. Procesi i votimit nisi sot që në orën 07:00 dhe do të vijojë deri në mbylljen e qendrave të votimit në orën 19:00.
